ஒரு கவிதை ????? ஹி ஹி ஹி ...................திட்டாதீங்கோ

நட்சத்திரங்களாய் மாறிட நினைக்கிறேன் – நீலவானமாய் நீ

அல்லியாய் மாறிட அவசரப்படுகிறேன் - அம்புலியாய் நீ

சறுகாய் காய்ந்திட கதறுகிறேன் - மிதிப்பது நீ

தாமரை தடாகமாக தகிக்கிறேன் - தாமரையாய் நீ

விட்டில் பூச்சியாக விழுகிறேன் – விளக்காய் நீ

சிற்பமாய் மாறிட சிந்தை கொண்டேன் – சிற்றுளியாய் நீ

கண் இமையாய் மாறிட கனா கண்டேன் – கண்மணியாய் நீ

மழை துளியாய் மாறிட முனைந்திட்டேன் – நனைவது நீ

முகதிலறையும் காற்றாய் கலந்திடுவேன் – ஜன்னலோரத்தில் நீ

வானவில்லாய் வளைந்திட விழைகிறேன் – வர்ணங்களாய் நீ

மரணத்தை முத்தமிட முந்துகிறேன் – கடவுளாய் நீ

நானாக நானிருக்க நன்றி சொல்வேன் – நீயாக நீ